ياكثر ماتسائلت ؟! ..
عن معنى الحب استفسرت ؟!..
للجواب ماحصلت..
لاني في الواقع بس دورت ..
الجفا والنكران هو اللي سمعت ..
وللتعب والمشاكل ياما شاهدت ..
وللحب والرومانسية مااستنتجت ..
موب من راسي ألفت ..
ولا من خيالي استلهمت ..
من القصص اللي قريت ..
ومن الآهات اللي حسيت ..
ومن السوالف اللي لقيت ..
من صغري ـ من على الدنيا وعيت ..
وانا لراسي من هالسوالف عبيت ..
الين من الزواج تعقدت ..
ومن ذكر الرجال كرهت ..
وعلى هالحال استمريت ...
الين الحمدلله فهمت ..
ولاجناس الحريم عرفت ..
صارو للشين من حياتهم ينشرون ..
وللزين منها يخبون ..
قال ايش : من العين يخافون ..
والا من سبهم لرجالهم مايستحون ..
ومن معصيت ربهم مايهابون ..
الين صارو لعقولنا يعبون ..
بمشاكلهم وقرفهم يصيحون ..
ولمشاعرنا يا لبنات ما يراعون..
ولسننا ما يهتمون..
سن المراهقة اللي الكثير منه يحذرون..
فيه مشاعرنا متضاربة..
وقلوبنا فيه هايجه..
وعقولنا فيه حايره..
بين المسلسلات والأفلام تايهه ..
والروايات الرومانسيه ضايعه ..
وبين سوالف الحريم التافهة ..
اللي على سبهم لرجالهم قايمه..
وبحكم صغر سننا وفراغنا خلينا مشاعر الكره للرجال نامية..
ومن نذكر طاري الزواج نقلبها مناحة..
فرجائي يا لحريم خلو مشاكلكم مخفيه ..
وان كان ولابد فاجعلوها للفاهمين حصريه..
لا للبزارين والمراهقين جهريه
والى الآن جواب عن معنى الحب ما حصلت..
لأنه هذا هو الواقع اللي فيه دورت..
موضوع: معنى الحب 
الثلاثاء مارس 13, 2007 8:51 am